ផ្លូវមួយខ្សែដែលមានប្រវែងជាង១គីឡូម៉ែត្រចន្លោះពីភូមិបាងតភ្ជាប់ទៅភូមិម្កាក់ ឃុំដើមឫស កំពុងរងការខូចខាតយ៉ាងធ្ងន់ធ្ងរដោយសាររថយន្តដឹកខ្សាច់តូចធំដឹកទាំងយប់ថ្ងៃ
29-October-2018 | ដោយ ពលមនសិការ
កណ្តាល៖ ផ្លូវមួយខ្សែដែលមានប្រវែងជាង១គីឡូម៉ែត្រចន្លោះពីភូមិបាងតភ្ជាប់ទៅភូមិម្កាក់ ឃុំដើមឫស ស្រុកកណ្តាលស្ទឹង កំពុងរងការខូចខាតយ៉ាងធ្ងន់ធ្ងរដោយសាររថយន្តដឹកខ្សាច់តូចធំដឹកទាំងយប់ថ្ងៃ។
ប្រជាពលរដ្ឋដែលរស់នៅភូមិម្កាក់បានឲ្យដឹងថាផ្លូវខាងលើខូចជាច្រើនឆ្នាំមកហើយ ដក់ទឹកជួបការលំបាកប្រជាពលរដ្ឋទៅមកជាពិសេសនៅរដូវវស្សាមានភ្លៀងធ្លាក់ទឹកដក់ ឆ្លងកាត់ទៅមកជួបការលំបាកខ្លាំងណាស់។
ប្រជាពលរដ្ឋសំណូមពរដល់លោកអភិបាលខេត្ត និងស្រុក ឬមន្ទីរជំនាញជួយពិនិត្យ និងកសាងផ្លូវខាងលើអោយល្អផងដើម្បីងាយស្រួលសិស្សានុសិស្សទៅសិក្សា និងប្រជាពលរដ្ឋធ្វើដំណើរ និងជួយពិនិត្យការដ្ឋានបូមខ្សាច់ដែលដឹកទាំងថ្ងៃទាំងយប់បំផ្លាញផ្លូវធ្វើអោយប្រជាពលរដ្ឋពិបាកក្នុងការធ្វើដំណើរ។
លោកមេភូមិម្កាក់ បានឲ្យដឹងនៅព្រឹកថ្ងៃទី២៩ ខែតុលា ឆ្នាំ២០១៨ លោកក៏ទទួលស្គាល់ថាផ្លូវខាងលើរងការខូចខាតខ្លាំងមែន ហើយលោកក៏បានរាយការណ៍ទៅគណៈពង្រឹងភូមិ-ឃុំរួចហើយ។ ប៉ុន្តែលទ្ធផលមិនទាន់ដឹងនៅឡើយ រងចាំគណៈពង្រឹងពិភាក្សាគ្នា។
លោកបូរ ណារ៉េត អភិបាលស្រុកកណ្តាលស្ទឹងបានឲ្យដឹងនៅព្រឹកថ្ងៃទី២៩ ខែតុលានេះថា”ផ្លូវភូមិម្កាក់ ស្ថិតនៅក្នុងគម្រោងអន្តរឃុំ ៣ឆ្នាំរំកិល ហើយឆ្នាំ២០២០ ផ្លូវនឹងចាក់បេតុងព្រោះលោកបានលើកគម្រោងទៅលោកបណ្ឌត ម៉ៅ ភិរុណ អភិបាលខេត្តកណ្តាលរួចហើយ លោកអភិបាលខេត្តក៏បានក៏បានឯកភាព។ លោកអភិបាលស្រុកបន្តថាបើភូមិណាអត់មានការដ្ឋានជីកដីទេ ផ្លូវខូចទាំងអស់ យើងពិបាកសុំលុយគេណាស់ ហើយឃុំណាមានការដ្ឋានជីកដី យើងបង្ខំអោយការដ្ឋានទាំងនោះជួសផុលផ្លូវ ហើយគួបផ្សំលោកឧត្តមសេនីយ៍ យង់ សំអុល គណៈពង្រឹងថ្នាក់ជាតិលោកជួយទៀត”៕
ចំនួនអ្នកទស្សនា
- ថ្ងៃនេះ741
- ម្សិលមិញ16391
- សប្តាហ៍នេះ46971
- ខែនេះ162121
- ឆ្នាំនេះ162121
- សរុប20604577